Tuesday 23 December 2014

गजल:- दुई नजर // हाँसो देउ

 १६)
दुई नजर मिलेपछि,मायामा मुस्किल हुँदैन
प्रेम आत्माले गरिन्छ,त्यसैले हासिल हुँदैन

प्राप्तिको निम्ति एकोहोरो तपस्या गरि मागी हेर
त्याग र समर्पण विना भगवान् दाखिल हुँदैन

जादु गरोस् तकदीरले, या चमत्कार जिन्दगीले
विजुली विनाको शहर,कैले झिलझिल हुँदैन

जसले मागेजति दिन्छ,चुपचाप मुस्कुराएर
दुनियाँ स्वार्थी छ आखिर,नि:स्वार्थको दिल हुँदैन ।
३१-०८-२०१४ 
####  ***  ###

१७)
हाँसो देउ या आँसु देउ जरुर स्विकार छ मलाई
मिलन र बिछोड प्रेमको दस्तुर स्विकार छ मलाई 

आँखाको भाषा जब मनले बुझ्छ तब भोग्नु छ मैले
तिमीसम्मको यात्रामा जे होस् कसुर स्विकार छ मलाई

हुरि सम्झिए उराठ होला फूल सम्झिए मिठो मुस्कान
अब तिम्रो चेहेरामा क्रूर होस् या नूर स्विकार छ मलाई

०८-१०-२०१४ 

Monday 15 December 2014

केहि कविताहरु :- १ [२०१४]

“यमराजको अदालतमा: ल्हाक्पा तामाङको बयान”

यमलोकका ख्वामित !
मृत्युपछि स्वर्ग र नर्कको फैसला गर्नु हुने
यस अदालतका प्रधानन्यायाधीश
यमराज ज्यू !

श्रीमान !
म- ल्हाक्पा तामाङ
ठेगाना- सिम्जुङ-छ,गोरखा,नेपाल
उमेर- ६२ वर्षीय
राष्ट्रियता- धर्मनिरपेक्ष संघीय गणतन्त्र नेपाल
अभियोग- गोरु काटेर खाएको
सजाय- प्रहरीद्वारा गोलि ठोकि मृत्युदण्ड

श्रीमान !

Sunday 7 December 2014

गजल:- जव ऐना // बेपता हुनुमा

१६)

जव ऐना सामू पर्छु,तव तिम्रै प्रतिविम्ब देख्छु
म जे सोचुँ म जे चाहुँ, आखिर तिम्रै आदेश लेख्छु

भेट हुँदा अन्भरिन्छौ,यसमा मलाई प्यार लाग्छ
कैले कहीं कर्कि हेर्छौ,योमन मिल्ने आधार भेट्छु

जिन्दगीमा खुशी मिल्ने,सायद त्यो कारण हौ तिमी
मेरो हर थकानमा,तिमीलाई सम्झेपछि मेट्छु

सम्झाउदैछु म आफै,नगर चुलबुल ए मन  

Thursday 4 December 2014

रुबाइयात -१०

          रुबाइयात -१० 

२८)
सुरुवात गर्छ आँखाले हुनलाई निकटतम
यहीँ आँखामा आँशु झरे सम्बन्ध नै खतम
खै,यी आँखामा आँशुको महासागर पो छ कि !
क्रमश: सम्बन्धमा वर्षीए पनि गर्छ स्वागतम।
१७-०१-२०१४

२९)
उताको मन यतातिर आए झैँ लाग्दैछ
यो मनको ढोका ढकढकाए झैँ लाग्दैछ
कदम बढाउदैछु म अगलो खोल्नलाई
सिकुवामा तिमी मुस्कुराए झैँ लाग्दैछ।
२६-०१-२०१४

३०)
आँखामा राख्दा आँखै बिझाउनेलाई
मनमा राख्दा बेचैनी बढाउनेलाई