रुबाइयात:-२

      रुबाइयात:... 

४)
जाने भए जाऊ यसरि जाऊ
याद बनेर कहिल्यै नआऊ
दिल दिमाग यी सब दिंदैछु
ताकि अब मलाई नसताऊ।
                             रचनाकाल:- २५-०८-२०१२

५) 
जति शृंगार गर किफायत हुँदैन
माली विना बगैचा हिफाजत हुँदैन
नि:शंकोच मलाई भमरा ठान्छौ भने
धरोधर्म कदापि शिकायत हुँदैन।
                               रचनाकाल:- २५-०८-२०१२ 



६)
पैसा फाल्ने बोटहरु छैनन् रै'छ सानु
हाम्रा लागि नोटहरू छैनन् रै'छ सानु
जे छ परदेशमा हामीबीच दूरी छ
दुर्भाग्यमा खोटहरु छैनन् रै'छ सानु।
                                रचनाकाल:- २६-०८-२०१२