गजल:- गुनासोको // तिम्रा सारा

१४)
गुनासोको हुरी चल्दा,मुटु मेरो थर्किएछ
तिम्रो मेरो सम्बन्ध नै,शीशा बनि चर्किएछ


माया गर्नु एउटा कुरा,साथ दिनु अर्को कुरा
तिमीसंगै दैव पनि,मलाई छोडि तर्किएछ्

सन्जोगले भेट भई,सन्जोगले छुट्नु पर्दा
यस्तो लाग्छ फूलको हाँगा,भूँईतिर लर्किएछ

केहि थोपा आँशु दिएँ,केहि थोपा आँशु लिएँ
बाँकि सारा जे जे थिए,तिमीसंगै फ़र्किएछ्
०५-११-२०११
*****  ****   *****

१५)
तिम्रा सारा भुलमा पनि,मीठो माया पाउने गर्छु

कविता:- चस्मा // सुब्बा साप'को चस्मा

   "चस्मा"

हिजोदेखि
मेरो चस्माको पावर घटेकोछ क्यार!
जस्ले मलाई
हरेक बस्तुहरुको सकल ठम्याई दिन्थ्यो
सायद,दुरुस्तै देख्थे
त्यसैले अर्थ्याई हिड्थें 'समानता'
-रगत रातो हुन्छ
-रंग अनेक हुन्छ

आज,चस्मा फेरेदेखि
रगतलाई रातो मात्र होईन रातोसंगै
परिस्थितिको प्रवाहलाई मापन गर्न सक्छु